सल्यानका दुई पालिकामा वडा अध्यक्ष र वडा सदस्य उपप्रमुख बनेका छन् ।
२०७४ को निर्वाचनमा शारदा वडा नम्बर १५ मा दलित महिला सदस्यमा निर्वाचित भएकी सुस्मिता सापकोटा सुनार यो पटक शारदा नगरपालिकाको उपमेयरमा निर्वाचित भएकी छन् । उनी २०७४ मा दलित महिला सदस्य भएपछि जिल्ला समन्वय समितिको सदस्यमा समेत निर्वाचित भएकी थिइन् ।
त्यस्तै २०७४ को निर्वाचनमा सिद्धकुमाख गाउँपालिका वडा नम्बर १ को वडा अध्यक्षमा निर्वाचित भएका राम बहादुर बस्नेत यो पटक पालिकाकै उपाध्यक्षमा निर्वाचित भएका छन् । वडा अध्यक्ष बस्ने माओवादी केन्द्र र एकीकृत समाजवादको गठबन्धनबाट बस्नेतले उपाध्यक्ष जितेका हुन् ।