टिकटक बनाउने क्रममा चिप्लिएर सल्यानको कुपिण्डे तालमा आज दिउँसो एक जना बेपत्ता भएका छन् । जिल्ला प्रहरी कार्यालय सल्यानका अनुसार दाङको तुलसीपुर उपमहानगरपालिका–६ का ३७ वर्षीय बेदबहादुर बस्नेत बेपत्ता भएको जानकारी दिएको छ ।
प्रहरी प्रमुख सुमित खड्काका अनुसार मंगलबार दिउँसो उनी साथीहरुसँग तालको किनारमा टिकटक बनाइरहेको अवस्थामा चिप्लिएर तालमा खसेका थिए । बस्नेतको खोजीकार्य जारी रहेको छ । ‘प्रहरीको टोलीले खोजीकार्य जारी राखेको छ, ताल धेरै गहिरो भएकाले पनि खोज्न समस्या भइरहेको छ’ खड्काले भने, ‘हामीसँग खोज्नको लागि त्यहि प्रकारका साधन तथा उपकरण नहुँदा पनि समस्या भएको हो ।