बागचौर नगरपालिका सल्यानका निवर्तमान नगरप्रमुख लोकमान बुढाथोकीले नेपाल पत्रकार महासंघ सल्यान शाखालाई आर्थिक सहयोग गरेका छ्न । आफ्नो ५ बर्षे कार्यकालको अबधिमा प्राप्त तलब भत्ताबाट नेपाल पत्रकार महासंघ सल्यान शाखालाई २ लाख ८० हजार ८ सय ४५ रुपैयाँको चेक हस्तान्तरण गरेका हुन । शुक्रबार बागचौर नगरपालिका कार्यालयमा आयोजित एक कार्यक्रमका बिच बुढाथोकीले महासंघका अध्यक्ष नवीन पौडेललाई उक्त चेक हस्तान्तरण गरेका हुन । चेक हस्तान्तरणपछि द्विपक्षीय सम्झौता पत्रमा संयुक्त हस्ताक्षर गरिएको छ । महासंघको कार्यबिधी अनुसार उक्त रकम प्रयोग गरिने सम्झौता पत्रमा उल्लेख छ । उक्त रकम पत्रकार राहत तथा अक्षय कोषमा राखिने भएको छ । प्रत्येक बर्ष उत्कृष्ट एक जना पत्रकारलाई उक्त रकमको ब्याजबाट पुरस्कृत गरिने नेपाल पत्रकार महासंघ सल्यानका अध्यक्ष नवीन पौडेलले बताए । बुढाथोकीको सहयोगले सल्यानको पत्रकारितामा थप मद्धत पुगेको भन्दै अध्यक्ष पौडेलले बुढाथोकीलाई धन्यवाद दिएका छन । रकम हस्तान्तरण पछि बोल्दै निवर्तमान नगरप्रमुख बुढाथोकीले पत्रकार समाजको ऐना भएको भन्दै सबैले सहयोग गर्नुपर्ने बताए । आफ्नो कार्यकाल अबधिमा प्राप्त तलब भत्ता बापत केही रकम पत्रकारको सुरुक्षा र सम्मानमा सेवा गर्न पाउँदा खुशी भएको उनले बताए । सल्यानको पत्रकारिता क्षेत्र अझै क्रीयाशिल हुनुपर्ने उनले सुझाब दिएका थिए । बुढाथोकीले आफुले पाएको सम्पुर्ण तलब भत्ता सामाजिक कार्यमा लगाएका छ्न । बिद्यालय, अस्पताल, विभिन्न संघ संस्था लगाएतमा महत्वपूर्ण स्थानमा उनले सम्पुर्ण रकम सहयोग गरेका छन ।
