सल्यानको छत्रेश्वरी गाउँपालिका वडा नं. १ कर्णेगाउँ निवासी ब्रेन ट्युमर भएर काठमाडौंको भैसेपाटि स्थित मेडिसिटी हस्पिटलमा भर्ना भएका कमल प्रसाद शर्माको उपचारका लागि आर्थिक अभाव भएपछि परिवारले सहयोगका लागि अपिल गरेको थियो । सहयोग रकम उठाउन अभियान थालेको झण्डै एक हप्तामा करिब २९ लाख रकम उठेको पारिवारिक स्रोतले बताएको छ ।
जनकल्याण क्याम्पसका प्राध्यापक स्नातकोत्तर तहमा नेपाली विषय अध्यापन गराउदै आएका साथै ब्राइट रोज ल्यान्ड बोर्डिङ स्कुलका नेपाली विषय शिक्षक ३६ वर्षीय कमल प्रसाद शर्मा एक्कासि बेहोस भए पछि उपचारका लागि सल्यान, दाङ हुदै काठमाडौ पुर्याईए पश्चात् ब्रेन ट्युमरको समस्या देखिएको थियो ।
डाक्टरका अनुसार अप्रेसन गर्न तत्काल करिब ३५ लाख जति रकमको आवश्यक पर्ने भएको र आफुहरुसँग भएको रकम सकिएकोले श्रीमती बिजयाले सबैले सकेको सहयोग गरि आफ्नो श्रीमानलाई बचाईदिन आग्रह गरेकि थिइन । त्यस लगत्तै सहयोग रकम उठाउन सुरु गरिएको हो ।
बिरामी कमल अहिले आईसियुमा रहेका छन भने बोलचाल गर्न सक्ने, मान्छे चिन्ने गरि होसमा रहेको जनाइएको छ । तर उनलाई कुन स्टेजको ट्युमर भएको छ भन्ने रिपोर्ट कुर्न भने आझै केही दिन लाग्ने भएको छ । श्रीमती बिजयाले बेहोसी अवस्थामा भएका श्रीमानलाई सबैले आ-आफ्नो तर्फबाट सकेको सहयोग गरिदिएर होसमा ल्याईदिएको बताउँदै यो सहयोगको आफुहरु सधै ऋणी भएको साथै सहयोगी दाताहरु र अभियान्ताहरुमा आत्मै देखि धन्यवाद तथा कृतज्ञता व्यक्त गरेकी छिन ।
उनले भनिन् अहिले पनि होसमा आएपछि श्रीमानले “अब ऋण लाग्ने भयो म मरेर गए भने कसले तिर्छ मलाई खर्च लागेको ऋण भनेर प्रश्न गरिराख्नु भाछ हामीले हजुरको नि:शुल्क उपचार भैरहेको छ भनेर सान्त्वना दिएका छौ”। रिपोर्ट आएपछि डाक्टरले सुरुमा भनेको ३५ लाख रकम भन्दा नि बढि लाग्न सक्ने सम्भावना भएको हुदा आझै पनि भगवारुपी सहयोग दाताहरुमा सहयोगको लागि अपिल गरेकी छिन ।
शुभेच्छुकले विजया शर्माको नाममा नेपाल बैकमा रहेको 24701107037613000001 खाता नम्बरमा सहयोग गरिदिनु हुन बिरामीको परिवारले आग्रह गरेको छ ।
