सल्यानकाे जनकल्याण क्याम्पस थारमारेमा स्वतन्त्र विद्यार्थी युनियन (स्ववियु) निर्वाचनमा उम्मेदवारी दिइएका ४ जना उम्मेदवारले आफ्नो उम्मेदवारी फिर्ता लिएका छन ।
त्रिभुवन विश्वविद्यालयको स्ववियु निर्वाचन निर्देशिका, २०८१ अनुसार फागुन २९ गते उम्मेदवारी फिर्ता लिने अन्तिम समय निर्धारण गरिएको थियाे। सोही समयमा प्रत्यक्ष तर्फ अखिल (क्रान्तिकारी) बाट सदस्य पदमा उम्मेदवारी दिएका लिला कुमारी बस्नेत, नारायण खत्री, टीकाराम वली र लाेकेन्द्र डाँगीले उम्मेदवारी फिर्ता लिएकाे क्याम्पस निर्वाचन समितिले जानकारी दिएको छ । फिर्ता लिएका उम्मेदवारले अखिल (क्रान्तिकारी) ले विभिन्न बहाना गरेर आफ्नो इच्छा विपरीत उम्मेदवार दर्ता गराएकाे आरोप लगाउदै उम्मेदवारी फिर्ता लिएको बताएका छन ।
जिल्लामा नेपाली काँग्रेस निकट नेबिसंघ, नेकपा एमाले निकट अनेरास्ववियुबिचकाे गठबन्धन र नेकपा (माओवादी केन्द्र) निकट अनेरास्ववियु (क्रान्तिकारी) र नेकपा (एकीकृत समाजवादी) निकट अनेरास्ववियु विच गठबन्धन रहेको छ ।
क्याम्पस निर्वाचन समितिले अन्तिम उम्मेदवारको नामावली सार्वजनिक गरिकाेछ।
त्रिभुवन विश्वविद्यालयको कार्यतालिका अनुसार, मतदान चैत ५ गते बिहान ८ बजेदेखि अपराह्न ४ बजेसम्म हुनेछ।