सल्यानकाे बागचौर नगरपालिका वडा नं. २ काे नवनिर्मित वडा कार्यालयकाे प्रशासनिक भवन तथा पाँचौ वडा अध्यक्ष कप खेलकुद प्रतियोगिताकाे उद्घाटन गरिएको छ ।
बागचौरमा नगरपालिकाकाे लागतमा निर्माण भएको वडा कार्यालयकाे प्रशासनिक भवन तथा वडा अध्यक्ष कप प्रतियोगिताकाे प्रमुख अतिथि बागचाैर नगरपालिकाका नगर प्रमुख जनकराज गाैतमले उद्घाटन गर्नुभएको हाे।
वडा कार्यालयकाे आफ्नै प्रशासनिक भवन नहुँदा कार्यालय सञ्चालन तथा सेवाग्राहीलाई सेवा प्रबाहमा कठिनाई हुने गरेकाेमा नवनिर्मित भवन बाट कार्यालय संचालन भएपछि सेवा प्रबाहमा सहज हुने नगर प्रमुख गाैतमले बताउनुभयो । वडा कार्यालय व्यवस्थित नभएसम्म वडा तहको कार्य सम्पादन व्यवस्थित हुन नसक्ने नगर प्रमुख गाैतमकाे भनाइ छ । नवनिर्मित वडा कार्यालयको प्रशासनिक भवनबाट सेवाग्राहीले सहज रुपमा सेवा प्राप्त गर्ने र भवनको पूर्ण सदुपयोग हुनेमा विश्वास व्यक्त गर्नुभयो । नगरपालिकाले भौतिक पूर्वधार निर्माणसँगै शिक्षा, स्वास्थ्य, कृषि, सडक, बिद्धुत विस्तार, खानेपानी लगायतको क्षेत्रमा पनि प्राथमिकताका साथ काम गरेको नगर प्रमुख गाैतमले बताउनुभयो। साथै वडा अध्यक्ष कप प्रतियोगितामा वडावसीहरुले अनुशासित भएर आफ्नो खेल प्रस्तुत गर्न, रेफ्रीलाई शान्तिपूर्ण वातावरणमा निष्पक्ष रुपमा खेल खेलाउन निर्देशन दिनुभयो ।
वडा नं. २ का वडा अध्यक्ष दिपेश डि.सीले वडा कार्यालय निर्माणका लागि प्रत्यक्ष अप्रत्यक्ष सहयोगी भूमिका खेल्ने र समन्वय गर्ने सबैलाई धन्यवाद दिनुभयो ।
कार्यक्रममा वडा कार्यालयका लागि जग्गा दान गर्ने व्यक्तिहरुलाई सम्मान गरिएको थियाे । विभिन्न आमा समुह, विद्यार्थी, स्थानीय कलाकार लगायतले आफ्नो कला संस्कृति झल्किने विभिन्न प्रस्तुतिहरु प्रस्तुत गरेका थिय।
बागचाैर नगरपालिका नगर प्रवक्ता वडा नं. २ का वडा अध्यक्ष दिपेश डि.सीकाे अध्यक्षतामा भएको भवन उद्घाटन तथा खेलकुद प्रतियोगिता उद्घाटन कार्यक्रममा प्रमुख अतिथि नगर प्रमुख जनकराज गाैतम, बिशिस्ट अतिथि नगर उप-प्रमुख सुम्निमा डि.सी वली, निवर्तमान नगर प्रमुख लाेकमान बुढाथोकी, निमित्त प्रमुख प्रशासकीय अधिकृत हरि बहादुर कठायत, नेपाली काँग्रेस कर्णाली प्रदेश सह-महामन्त्री एकराज डाँगी, विभिन्न वडाका वडा अध्यक्ष, निवर्तमान वडा अध्यक्ष, कार्यपालिका सदस्य, वडा सदस्य, विभिन्न राजनीतिक दलका नेता, शिक्षक, बुद्धिजीवी, समाजसेवी, सुरक्षाकर्मी, पत्रकार लगायत नगरवासीकाे उपस्थिति रहेको थियाे ।कार्यक्रमकाे सहजीकरण नगरपालिकाका वास सामाजिक परिचालक कमल वलीले गर्नुभएको थियाे ।