सल्यानकाे बागचाैर नगरपालिकामा युवा विद्यार्थी समाज बागचौर सल्यानको आयोजना तथा बागचाैर नगरपालिकाकाे आर्थिक सहयोगमा बागचौर प्रिमियर लिग क्रिकेट प्रतियोगिता सुरु भएको छ ।
साेमबार जनकल्याण नमुना माध्यमिक विद्यालयकाे खेल मैदानमा सुरु भएको प्रतियोगिताको उद्घाटन बागचाैर नगरपालिकाका नगर प्रमुख जनकराज गाैतमले गर्नुभएको हाे ।
बागचौर नगरपालिका भित्र क्रिकेट खेलाडीहरुको सम्भाव्यता अध्ययन सँगै क्रिकेट खेलको विकास र विस्तारसँगै खेलाडीहरुलाई प्रोत्साहन गर्ने र क्रिकेट खेललाई सबै सामु चिनाउने उद्धेश्यले सुरु भएको प्रतियोगिता यहीँ असोज ३० गतेसम्म संचालन हुनेछ ।
प्रतियोगितामा बागचाैर नगरपालिका भित्रका १४ वटा टिमले भाग लिएका छन । प्रतियोगितामा सहभागी भई प्रथम हुने टिमलाई नगद ५० हजार रुपैयाँ र द्वितीय हुने टिमलाई ३० हजार रुपैयाँको पुरस्कार राखिएको आयोजकले बताएको छ ।