सल्यानकाे बागचाैर नगरपालिका वडा नं. ५, शिवरथ काेटमा नवरात्रिको नवौँ दिन विशेष पूजाअर्चना गरी नव निर्मित खाँडा खडक भगवती मन्दिरकाे समुद्घाटन गरिएको छ ।
बागचाैर नगरपालिकाकाे आर्थिक सहयोगमा निर्माण भएको मन्दिरको उद्घाटन नगर प्रमुख जनकराज गाैतमले गर्नुभएको हाे । उक्त अवसरमा नगरपालिकाले वडा नं. ५ काे एक समुहलाई पन्चेबाजा समेत हस्तान्तरण गरेकाे छ । पुराना बाजाहरुकाे संरक्षण तथा नयाँ पुस्तामा सीप हस्तान्तरण गर्ने उदेश्यले नगरपालिकाले गत वर्ष बाजा बजाउने तालिम समेत प्रदान गरेकाे थियाे ।
मन्दिरमा विजया दशमीकाे दिनमा ठुलाे मेला लाग्ने गर्दछ । मन्दिर समुद्घाटन समारोहमा नगर प्रमुख जनकराज गाैतम, नगर प्रवक्ता तथा २ नं. वडा अध्यक्ष दिपेश डि.सी, ५ नं. वडा अध्यक्ष जाेगेन्द्र वली, कार्यपालिका सदस्य, वडा सदस्य, मन्दिर व्यवस्थापन समितिका पदाधिकारी, विभिन्न राजनीतिक दलका नेता, समाजसेवी, बुद्धिजीवी, शिक्षक, पत्रकार लगायत नगरवासीहरुकाे उपस्थिति रहेकाे थियाे ।