सल्यानमा भिरबाट लडेर एक जनाकाे मृत्यु भएको छ । मृत्यु हुनेमा जिल्लाको त्रिवेणी गाउँपालिका २ झाप्रेपानीका अन्दाजी ६१ वर्षीय इन्द्र बहादुर चलाउने रहेको जिल्ला प्रहरी कार्यालय सल्यानले जनाएको छ ।
बिहीबार बेलुका छोरीको घरबाट आफ्नो घर तर्फ फर्किएका उनी घर नआएपछि आफन्तले खोजतलास गर्दा शुक्रबार दिउँसो घर देखि १ किलोमिटर टाढा इग्रेखोला भन्ने स्थानमा आफन्तले मृत फेला पारेका थिए ।
मृत्तक चलाउने बाटोबाट करिब ४० मिटर तल मृत फेला परेको जिल्ला प्रहरी कार्यालय सल्यानका सूचना अधिकारी प्रहरी निरीक्षक रेशम बहादुर खत्रीले जानकारी दिनुभयो । घटनाको थप अनुसन्धान भइरहेको र शव पोष्टमार्टमका लागि सल्यान जिल्ला अस्पतालमा ल्याइएको उहाँको भनाई छ ।