सल्यानमा रोकिराखेको ट्याक्टरले किच्दा ५ वर्षीय बालकको मृत्यु भएको छ । जिल्लाको शारदा नगरपालिका वडा नम्बर ४ लामाडाँडा टोलका देब बहादुर चन्दका ५ बर्षिय छोरा दिपशन चन्दकाे मृत्युु भएको हाे ।
शुक्रबार दिउसो ३ः३० बजे घर अगाडी पार्किङ गरि राखेको रा १ त २८६२ नम्बरको ट्याक्टरमा खेल्ने क्रममा पछाडीको टायरले किच्दा घटना स्थलमै मृत्यु भएको जिल्ला प्रहरी कार्यलय सल्यानले जनाएको छ ।
मृतकका बुवाको नाममा रहेको उक्त ट्रयाकटरमा घरमा बच्चाहरु खेल्ने क्रममा ट्याक्टर पछाडी ब्याक हुँदा घटना भएको बताइएको छ । ट्याक्टर प्रहरीको नियन्त्रमा लिइएको र शवलाई पोष्टमार्टमका लागि जिल्ला अस्पताल सल्यानमा राखिएको जिल्ला प्रहरी कार्यालय सल्यानले जानकारी दिएको छ।