सल्यानकाे बागचाैरमा भएको ट्याक्टर दुर्घटनामा १ जनाको मृत्यु भएको छ भने २ जना गम्भिर घाईते भएका छन । बागचौर नगरपालिका १० पिपलनेटाका अन्दाजी ५० वर्षीय लाल बहादुर बि.कको मृत्यु भएको जिल्ला प्रहरी कार्यालय सल्यानले जनाएको छ ।
बुधबार बिहान बागचौर नगरपालिका २, थारमारे बजारबाट वडा नं. १ ठिन्वाङ्ग जिउला जाँदै गरेको रा १ त ३२६३ नम्बरको ट्याक्टर ठिनवाङ्ग खोलामा दुर्घटना भएको थियो । दुर्घटनामा ट्याक्टर चालक सहित ३ जना गम्भीर घाइते भएका थिए । गम्भीर घाइते मध्येका वि.कलाई थप उपचारका लागि नेपालगञ्ज रिफर गरिएकोमा बाटोमा नै मृत्यु भएको जिल्ल्ला प्रहरी कार्यालय सल्यानका सूचना अधिकारी गोपाल श्रेष्ठले जानकारी दिनु भयो ।
ट्याक्टर दुर्घटनामा परी गम्भीर घाइते बागचौर नगरपालिका वडा नं. १ गैरावेदका ट्याक्टर चालक २४ वर्षीय युवराज रोकायको नेपालगञ्ज र शोही ठाउँका ४५ वर्षीय कालि बहादुर बस्नेतकाे जिल्ला अस्पताल सल्यानमा उपचार भइरहेको प्रहरीले जनाएको छ । ट्याक्टर सडकबाट करिब एक सय मिटर तल खसेको थियो ।