राप्ती राजमार्ग अन्तर्गत सल्यानको श्रीनगर- बरला सडक खण्डको जोगदेउ खोला नजिकै मोटरसाइकल दुर्घटना हुदा ६ जना घाइते भएका छन् । मोटरसाइकल एक आपसमा ठोकिदा ६ जना घाइते भएका हुन ।
श्रीनगरबाट बरला तर्फ जाँदै गरेको रा ७ प ३२६८ नम्बरको मोटरसाइकल र विपरीत दिशा तर्फबाट आउदै गरेको रा ६ प १५६३ नम्बरको मोटरसाइकल एक आपसमा ठाेक्कीदा दुर्घटना भएको प्रहरीले जनाएको छ ।
मोटरसाइकल दुर्घटना हुदा घाइते हुनेहरूमा सिद्ध कुमाख वडा- ३ का अन्दाजी वर्ष २४ का सुरेश नेपाली, शारदा नगरपालिका – ७ कजेरी निवासी अन्दाजी वर्ष २१ का अर्जुन बुढाथोकी, शारदा नगरपालिका – १ पटनेरी निवासी वर्ष १४ का अनिल शाही, गिठाचाैर -९ निवासी वर्ष १८ का डिल्लीराज बोहरा, भट्टाचाैर – ६ निवासी अन्दाजी वर्ष १५ का शिशिर बुढाथोकी, हल्चाैर -६ निवासी अन्दाजी बर्ष १८ का हिमाल बुढाथोकी रहेको जिल्ला प्रहरी कार्यालय सल्यानले जनाएको छ ।
घाइतेहरुको अहिले सल्यानको श्रीनगर स्थित कान्तिपुर अस्पताल र कर्णाली अस्पतालमा उपचार भइरहेको प्रहरीले जनाएको छ ।