बागचाैर नगरपालिका वडा नं. ५ काे तेस्रो वडा कप खेलकुद प्रतियोगिताकाे उद्घाटन गरिएको छ ।
कार्यक्रमकाे उद्घाटन मंगलबार वडा नं. ५ का वडा अध्यक्ष जाेगेन्द्र वली (शिव)काे अध्यक्षतामा र प्रमुख अतिथि नगर प्रमुख जनकराज गाैतम र बिशिस्ट अतिथि नगर उप-प्रमुख सुम्निमा डि.सी वलीले ब्यानर पढेर तथा दीप प्रज्वलन गरेर संयुक्त रुपमा उदघाटन गर्नुभयो ।
कार्यक्रममा बाेल्दै नगर प्रमुख गाैतमले खेल क्षेत्रकाे विकास गर्न, खेलाडी र वडाकाे पहिचान दिन खेलकुद कार्यक्रमकाे महत्त्व रहने बताउनुभयो । वडा कप खेलकुद प्रतियोगिता मार्फत लुकेर रहेका खेलहरु तथा खेलाडीहरुलाई चिनाउन सहयोग पुग्ने विश्वास व्यक्त गर्नुभयो । खेलाडीहरुले अनुशासित भएर खेलमा सहभागीता जनाउन आग्रह गर्दै, खेलकुदका माध्यम बाट वडा, नगर हुदै अन्तर्राष्ट्रिय स्तर सम्म चिनाउन खेल खेल्न अनुरोध समेत गर्नुभयो । नगरपालिका खेल क्षेत्रकाे विकास र खेलाडीकाे सम्मानका लागि सधैं तत्पर रहेकाे समेतबताउनुभयो ।
कार्यक्रममा नगर प्रमुख जनकराज गाैतम, नगर उप-प्रमुख, सुम्निमा डि.सी वली, अन्य अतिथिहरुमा बाफिकाेट गाउँपालिका रुकुम पश्चिमका अध्यक्ष जनक कुमार बाठामगर, बागचाैर नगरपालिका नगर प्रवक्ता तथा वडा नं. २ का वडा अध्यक्ष दिपेश डि.सी, नगर युवा तथा खेलकुद विकास समिति संयोजक तथा वडा नं. १२ का वडा अध्यक्ष टिकाराम वली, वडा नं. ३ का वडा अध्यक्ष भिम प्रकाश भण्डारी, वडा नं. ४ का वडा अध्यक्ष कृष्ण बस्नेत, वडा नं. ११ का वडा अध्यक्ष केश बहादुर भण्डारी, कार्यपालिका सदस्य रिता दमाई, राजनीतिक दलका नेता, विभिन्न संघ, संस्थाका प्रमुख तथा प्रतिनिधि, खेलाडी, शिक्षक, बिद्यार्थी, पत्रकार, बुद्धिजीवी लगाएत वडावासीहरुकाे सहभागीता रहेको थियो ।
उक्त कार्यक्रममा स्वागत मन्तव्य वडा सदस्य रमेश शाहीले राख्नुभएको थियो भने कार्यक्रमकाे सहजीकरण भाविष जंग शाहीले गर्नुभएको थियोे । कार्यक्रममा भलिबल पुरुष, महिला, कबडी पुरुष महिला, ब्याडमिन्टन, लाेकदाेहाेरी र १००० मिटरकाे दौड प्रतियोगिता आयाेजना गरिएको छ। कार्यक्रम पुस २८ गतेसम्म संचालन हुनेछ । 