सल्यानको श्रीनगरमा ट्रकले किचेर तीन वर्षिय वालकको मृत्यु भएको छ । शारदा नगरपालिका १ श्रीनगरमा लु १ ख ९२५९ नम्बरको आफ्नै ट्रकले किच्दा सवारी धनी केशर बहादुर भण्डारीको तीन वर्षीय छोरा कृतिकको मृत्यु भएको जिल्ला प्रहरी कार्यालय सल्यानले जनाएको छ । घटना सोमबार दिउँसो साढे तीन बजेतीरको हो ।
सामान लोड गर्न जाने क्रममा बालक एक्कासी ट्रक तिर आउँदा ट्रकको पछाडीको टायरमा च्यापिन गइ गम्भीर घाइते भएका बालकको उपचारको क्रममा श्रीनगर स्थित परोपकार हस्पिटलमा मृत्यु भएको प्रहरीले जनाएको छ । बालकलाई किच्ने ट्रक र २४ वर्षिय चालक चुडडामणी वस्नेतलाई नियन्त्रणमा लिएको जिल्ला प्रहरी कार्यालय सल्यानका सूचना अधिकारी सन्तोष खनालले जानकारी दिए ।