जिल्लाको शारदा नगरपालिका – १० नयाँगाउँमा भएको दुर्घटनाबाट कालिमाटी गाउँपालिका – १ लक्ष्मीपुरकी ३० वर्षीया धनी पुन र अन्दाजी ७० वर्षीया कमलाकुमारी पुनको मृत्यु भएको जिल्ला प्रहरी कार्यालय सल्यानका सूचना अधिकारि सन्तोष खनालले बताए । मृतक दुवै जनाको सल्यान जिल्ला अस्पतालमा उपचारको क्रममा मृत्यु भएको हो ।
यस्तै दुर्घटनामा परी लक्ष्मीपुरकी अन्दाजी ३० वर्षीया अमृता बपाल, उनको २ वर्षको छोरा अविषेकक बपाल २० वर्षीया अस्मिता पुन, उनको ३ वर्षीय छोरा शुसान्त पुन, र अटो चालक १८ वर्षीय धनिराम बुढाथोकी रहेका छन् ।
कालिमाटी गाउँपालिका वडा नम्बर-१ लक्ष्मीपुरदेखि टोटाबाज जाँदै गरेको रा १ ह २२१९ नम्बरको अटोरिक्सा शारदा नगरपालिका वडा नम्बर-१० नयाँगाउँमा सोमबार बेलुका साढे ५ बजेतिर दुर्घटनामा परेको हो। क्षमताभन्दा धेरै बढी यात्रु बोकेकाले अटो अनियन्त्रित भएर दुर्घटनामा परेको अनुमान गरिएको छ । अटो सडकदेखि करिब १०० मिटर तल खसेको थियो ।
