सल्यानको बागचाैर नगरपालिका – २ थारमारेमा रहेको प्राथमिक स्वास्थ्य केन्द्र कार्यालय क्षेत्र परिसरमा सरसफाइ गरिएको छ ।
प्राथमिक स्वास्थ्य केन्द्र, वडा नम्बर -२ कार्यालय, सामुदायक प्रहरी साझेदारी समिति, इलाका प्रहरी कार्यालय थारमारेका प्रमुख एवम् प्रतिनिधि र स्थानीयहरुकाे सहभागितामा कार्यालय क्षेत्र परिसरमा सरसफाइ कार्य गरिएको हो ।
कार्यक्रममा बाेल्दै इलाका प्रहरी कार्यालय थारमारेका प्रमुख प्रहरी निरीक्षक कनक शाहीले प्रहरीले समुदायमा हुने घटना, मुद्दा, मामिला मात्र नभई यस्ता सामाजिक काम पनि गर्ने बताउनुभयो । सरसफाइ सुरक्षा संग जाडिने बिषय भएकाे उहाँकाे भनाइ थियो । प्रहरी र समुदाय बिचकाे सम्बन्धलाई जाेडन यस्ता कार्यक्रमले महत्त्वपूर्ण भुमिका खेल्ने उहाँले बताउनुभयो ।
कार्यक्रममा बाेल्दै बागचाैर नगरपालिका वडा नं. २ का वडा अध्यक्ष एवम् सामुदायिक प्रहरी साझेदारी समितिका अध्यक्ष दिपेश डि.सीले वडाका विभिन्न स्थानमा सरसफाइ कार्यक्रम गर्दै आयको, कार्यक्रमले वडा वासीहरुमा सरसफाइ गर्ने बानीकाे विकास भयकाे बताउनुभयाे ।
कार्यक्रममा ईलाका प्रहरी कार्यालय थारमारेका प्रमुख प्रहरी निरीक्षक कनक शाही, सामुदायिक प्रहरी साझेदारी समितिका अध्यक्ष एवं बागचाैर नगरपालिका वडा नम्बर-२ का वडा अध्यक्ष दिपेश डि.सी, प्राथमिक स्वास्थ्य केन्द्रका कर्मचारी, पत्रकार र स्थानीयहरुकाे सहभागीता रहेको थियो ।