रुकुम पूर्वको पुथाउत्तरगंगा गाउँपालिका वडा नम्बर ११ सेरामा नेपाल प्रहरी र शसस्त्र प्रहरीका डिएसपी सवार प्रहरीको भ्यान दुर्घटनामा परेको छ ।
जिल्ला सदरमुकाम रुकुमकोट बाट तकसेरा तर्फ जाँदै गरेको नेपाल प्रहरीको भ्यान सेरा गाउँ नजिकै शनिबार बिहान करीब ११ बजेतिर दुर्घटना हुँदा एक जना प्रहरी जवानको मृत्यु भएको छ । मृतकको नाम खुलेको छैन् ।
दुर्घटनामा परी जिल्ला प्रहरी प्रमुख डिएसपी प्रकाश डाँगी र शसस्त्र प्रहरीका डिएसपी रविन्द्र श्रेष्ठ सहित ३ जना प्रहरी जवान तथा गाडी चालक घाईते भएको प्रहरीले जानाएको छ । घाईते मध्य केहीको अवस्था गम्भिर रहेको र दुवै डिएसपीको अवस्था भने सामान्य रहेको छ ।
घटनाको थप विवरण आउँन बाँकी रहेको छ । घाईतेहरुलाई थप उपचारका लागि लिन सुर्खेतबाट हेलिकोप्टर मगाईएको छ । गाडि सडकबाट करिब १ सय मिटर तल खसेको बताइएको छ ।